Mondraberri

"Txintxarri mihinbakoa sasian usteldu" (atsotitza)

EKITALDIAK

'80 egun'
Eguna: 2010/09/10
Monterron Parkean, ostiralean. 22:30etan...
Itxungi Rock kontzertua
Eguna: 2010/09/11
Larunbatean Itxungi Rock kontzertua Gaztetxean...
Goseren kontzertua
Eguna: 2010/09/11
Larunbatean Goseren kontzertua Arrasaten...
'Camping Renove'
Eguna: 2010/09/11
Antzerkia, Herriko Plazan, Trapu Zaharra taldearen eskutik...
Arantzazura erromesaldia
Eguna: 2010/09/12
Irailaren 12an eliztarrak 6:30tan abiatuko dira kontzezinotik...
Kurtzeberri mendiko eguna Aretxabaletan
Eguna: 2010/09/12
Gurutzea jarri zuten 82. urteurrena ospatuko dute....
Txirritola eguna Aramaixon
Eguna: 2010/09/12
Besteak beste sagardoa dastatu ahal izango dute....
Kontzertua: Audience
Eguna: 2010/09/12
Audience talde gernikarrak eskainiko duen kontzertuan ...

Gehiago

ERAKUSKETA
Udazabal

MANIFESTAZIOA BILBON

Gasteizko Karteldegia

Ikasle gehienek ikasturte berriari ekin diote

Batxilergoko klaseak egun bat beranduago hasiko dira, irailaren 9an. Goiztiarrenak Haur Hezkuntzako gazteenak izan dira, haurtzaindegiko zerbitzua aurreko astelehenean jarri baitzen martxan.
Musika, bertsoak,... izango dira espetxe aurrean

Elkartasuna “barroteetatik barruraino” sartzeko, Saint Martin de Rè-ra martxa egingo da

Martxa irailaren 18an egingo da, hain justu, frantziar Estatuko kartzelako presoak euren eskubideen alde borrokan arituko direnean.
Aurten ere ez da egongo kirola ez egiteko aitzakiarik

Aukeako arduradunek 2010 – 2011 denboraldirako kirol eskaintza aurkeztu dute Kulturaten, “Eutsi kirolari” lemapean. Agerraldian barruko igerilekuetan egiten ari diren lanei buruz ere hitz egin dute, eta bi hilabete barru amaituta egotea aurreikusten dute.
Barruko igerilekuetako lanak bi hilabete barru amaituta egotea aurreikusten du Aukeak

Denbora tarte horretan erabiltzaileak ezin izango dira eremu hezera sartu, eta horretarako kiroldegiko arduradunek bi aukera ematen dizkiete abonatuei. Eguraldiak laguntzen badu, kanpoko igerilekuak “ahalik eta denbora gehien” irekita mantenduko dituztela iragarri dute.
Etxetxikiak kaleko okindegi berria martxan jarri da

Pastelak ere daude salgai bertan, eta kafetegi zerbitzua ere badu. Goizeko 5:30etatik arratsaldeko 20:00ak arte egongo zabalik, halere arduradunak ez du baztertzen ordutegiak aldaketaren bat jasatea, “betiere bezeroen aldetik izaten dugun erantzunaren arabera”.
Auto istripua izan da San Prudentziorako bidean

Auto bat errepidetik irten, eta irauli egin da. Ezbeharraren ondorioz auto pilaketak egon dira, baina egoera normaltasunera itzuli da goizeko 8:00ak aldera. Zauritutako gidaria Arrasateko ospitalera eraman dute.
Lapurrak lehen pisuraino eskalatu du

Lapurreta izan da Iturriotzeko kontsulta batean gauez

Ezezagunak kontsultan aurkitutako diru dena ostu du. Udaltzaingoak herritarrei eskatzen die segurtasun-neurriak har edo areagotu ditzatela.
Babes ofizialekoak izango dira

356 etxebizitza egiten hasiko dira 2010-2011n Zerrajeran

Eraikinak kokatu egongo dira anbulategiaren atzeko lurretan. 2010-2011 biurtekoa erabakigarria izango da Zerrajera eramuarentzat.
Eta MU-ren ikasturte akademikoa ofizialki ireki da

Elektronika eta Sistema Txertatuen Zentroa inauguratu da

Bi ekitaldiak Garaia Gunean egin dira. Bertan izan dira Iosu Zabala errektorea, Ino Galparsoro alkatesa eta Patxi López lehendakaria, beste batzuen artean.
Oñati aldera joan da aurten Arrasate Hiria tornea

Finalean Aloña Mendik 1 eta 2 irabazi dio Mondrari, partiduaren amaieran sartutako golari esker. Iban Rodriguezen mutilek datorren asteburuan ekingo diote ligari, Mojategin izango da Ordiziaren aurka.
Aste honetan ekingo diete entrenamenduei herriko atletek

Bihar, irailak 7, aurreneko hitzordua izango dute Mojategin, arratsaldeko 17:00etatik aurrera. “Ateak parez pare irekita daude debagoindar guztientzat”, jakinarazi digu Fernando Zufiriak.
JOSEBA LIZARANZU - Arrasatear bat Milanen

“Txinatarrek ere italiar itxura dute, modak pisu handia baitauka Milanen”

Azken hiru urteak kanpoan eman ditu Joseba Lizaranzu arrasatearrak, eta hurrengo hiruretan ere ez da bueltatuko. Aurten karrera amaierako proiektua egin du, eta izandako arrakastaren ondorioz horren inguruko doktoretza tesia egitea eskaini diote. Guk berarekin hitz egin dugu.
“Exodo” izeneko ikuskizunean

Publikoa “hipnotizatuta” geratu da suarekin eta bitxitasunarekin

Adin askotako publikoak jarraitu du ikuskizuna Seber Altuben eta plaza inguruan.
Gure taldeak 5-4 irabazi dio Bergarari penaltietan

Mondra finalera sailkatu da, eta Aloña Mendiren aurka jokatuko du

Arrasate Hiria Torneoko lehen jardunaldia jokatu da Mojategin gaur (larunbata). Aloña Mendik 3-2 irabazi dio UDAri penaltietan. Bihar finala.
Beatriz Vera, psikologoa:

“Zoriontasuna lortzeko emozio negatiboetatik ikasi behar da”

Psikologo honek hitzaldia eman du Arizmendi Ikastolan. Bere aholkuetako bat: “Saiatu behar dugu kanpoko gauzek gugan hainbesteko eraginik ez izaten. Gauza onenak gure barruan daude”.
Aitor ANTXIA LETURIA-ren eskutik

Aretxabaletako Bainuetxeen inguruko artikulua argitaratu du Euskonews-ek

Aretxabaletan bi zentro mineral-sendagarri garrantzitsu izan ziren XIX. mendean, Ibarrako Bainuak edo Bainu Zaharrak izenez ezagutu zirenak, hirigunean eraiki zen Otalorako Bainuetxetik bereizteko.
Julia Roberts izar distiratsuak jasoko du aurten Zinemaldiko Donostia Saria

«Pretty woman» hiri ederrera etorriko da eta bere azken filma “Eat, Pray, Love“ aurkeztean gainera, irailaren 20an Donostia saria jasoko du Roberts-ek. Julia, Javier Bardem eta filman parte hartu duten aktore nahiz zuzendariarekin batera etorriko da Gipuzkoako hiriburura.
GORKA ZURUTUZA - Ointxeko Kirol Zuzendaria

“Kintanaren etorrerarekin aurreko urteetan baino urduritasun gutxiago pasatzea espero dugu”

Gorka Zurutuza Ointxeko Kirol Zuzendaria baikorra da aurtengo denboraldiari begira, eta ziur dago mailari eustea lortuko dutela. Halere, emaitzei baino taldean dauden pertsonei ematen die garrantzia, “azken finean klubaren ardatza baitira”.
Langile ohien ordezkaritzak dioenaren arabera

Moldcam auzia: Administradore konkurtsalak “erruduntzat” jo du enpresako zuzendaritza

ELA-ko ordezkari ohiaren hitzetan, epaiketan argi geratu da enpresak “irregulartasun handiak” egin zituela.
Agur afaria ospatu dute hemengo familiekin

Haur sahararrek irri freskoak eman dizkiote jendeari udan

Irailaren 9an Aljeriako Tindouf kanpamenduetara itzuliko dira, hain justu, “Oporrak bakean” (programan) igaro ondoren.
Mugikortasunaren asteak urteroko hitzordua izango du bi aste barru

Irailaren 16 eta 22a bitartean ospatuko da, eta Birzikleta azokarako materiala datorren ostiralean jasotzen hasiko dira. Merkataritza berdeak ere ez du hutsik egingo, eta Ibai-Arteren laguntzarekin kontsumo baxuko 5.000 bonbila banatuko dituzte.
Amuarrainak, karramarroak, ezkailuak,… daude

Deba erreka bizitzaz beteta [Ander Etxeberriaren argazkiak]

Ander Etxeberria arrasatearrak azken asteetan atera ditu ondorengo irudi bikainak, Zerrajerako etxeen inguruan.