Bergara Hiria udako torneoan

Lehen partiduan UDAren aurka jokatu zuen. Aurre-denboraldiko partidua zenez, igarri zen taldeari oraindik erritmoa falta zaiola.

Aretxabaletarrek izan zituzten gol-aukera argienak lehen zatian. Hala ere, atsedenaldira 0-0 markagailuarekin heldu zen.

Mondrako entrenatzaileak, "Lutxo" Iturrinok, bi aldaketa egin zituen atsedenaldian:

Markel Gonzalez eta Markel Krespo zelairatu zituen, Jon del Palacio eta Iker Lopezen ordez.

Handik gutxira Julen Zaitegi arrasatearrak aukera izan zuen, baina bere errematea gutxigatik kanpora joan zen.

Hala ere, Aretxabaletako taldeak partiduko lehen gola sartu zuen (Aitor Perez). Mondrak ez zuen amore eman eta Markel Krespok gola sartu zuen, banako markagailua jarriz.

Arauzko denbora berdinketarekin amaitu zen, eta beraz, penaltietara joan ziren.

Penaltietan aretxabaletarrak finago ibili ziren, eta Bergara Hiria Torneoko finalera sailkatu ziren.

Atzoko partidua baliagarria izan zen Mondrarentzat, denboraldia prestatzen jarraitzeko.