Korrikalari bat artatu behar izan dute anbulantzian

---

Testua eta argazkiak: Gontzal Landa Herbias / 2012-ko ekainak 24, San Juan Eguna

Arrasate esnatzen ari da bart gaueko parrandatik. Arrasateko gaiteroek goizeko 8:30etik aritu dira horretan kaleetatik. Gaupasa egin duten lagun ugari entzierroan parte hartu dute. Hona hemen koadrila horietako bat.

 

Maritxu Kajoiri abesten: Iruñean San Fermini abesten zaio entzierroa baino lehen, eta Arrasaten Maritxuri.

Portaloitik: Orozko herriko Manzarbeitia ganadutegiko adardunek kementsu hasi dute bidea.

 

 

9:00etan, ohiturari eutsiz, irten dira kamioitik bigantxak, zezen plazarako bidean.

 

Korrikan Erdiko kaletik: Korrikalari hau entzierroan bigantxa batek zapaldu du, eta osasun zerbitzuek anbulantzian artatu behar izan dute. Ezer larririk ez.

Ziztu bizian egin dute adardunek ohiko bidea: Portaloia – Erdiko Kalea – Kanpatorpea – Zerkaosteta – Laubideko zezen plaza.

Ikusmin handia piztu du entzierroak. Gaur jende ugari egon da, adibidez Kanpatorpean.