ORIENTACIÓN AL USUARIO

Ziur asko egunotan bapo afaldu duela Manuel Poyatosek.  Izan ere, bere denbora librea arrantza egiteko aprobetxatzen duen arrasatear honek harrapaketa bikainak egin ditu aste honetan.  Astearte eta asteazkenean Deban izan zen Iñaki Viteri lagunarekin batera, eta, argazkian ikusten den bezala, pieza bikainak arrantzatu zituzten.

Harrapatutako bi arrainak arrano-berrugetak dira, gazteleraz “andeja” izenez ere ezagunak.  Asteartean arrantzatutako arrainak 16 kiloko pisua zuen, asteazkenekoak, berriz, 13.  Gauzak horrela, eta aurretik aipatu bezala, ziur asko egunotan bapo afaldu dutela Viteri eta Poyatosek.  Sukaldean arrantzan bezain abilak badira, etxekoak pozez txoratzen egongo dira.