Esta web utiliza cookies, puedes ver nuestra la política de cookies, aquí
Política de cookies +
Otsaila eztiegia, primadera txirtxilegia

ORIENTACIÓN AL USUARIO

Hemen zaude:
 
[Testua: Arrasateko Udala]
Kirol instalazioak hobetzeko bidean inbertsioak egiten jarraitzen du Udalak
Egindako berrikuntzen artean Musakolako padel pista itxi eta bertako belarra aldatu eta Uarkapeko kristaletan binilozko laminak jarri ditu egun eguzkitsuetako beroa apaltzeko.Datozen asteotan halaber, Iturripeko kantxako marrak margotu, bertako ur bero sanitarioa hobetzeko lanak egin eta Antoñako kantxan saskibaloi kanasta gehigarri bat jartzeko lanak egingo ditu Udalak.

 (id: 4843519)

Testua eta argazkiak: Arrasateko Udala. 2019ko uztailak 24, asteazkena.

 

Arrasaten oro har gero eta herritar gehiagok egiten dute kirola, horrenbestez, ehunka lagun igarotzen dira egunero herriko kiroldegi eta kirol espazio ezberdinetatik.

 

Hori horrela izanik, hasi berria den 2019-2023 legealdi honetan ere, herriko kirol azpiegitura zein instalazio eta materialak hobetzen jarraitzea lan ardatz zein helburutzat du gobernu taldeak eta bide horretan, hain zuzen, uda sasoia aprobetxatuz, hainbat hobekuntza lan burutu ditu.

 

Musakolan esate baterako, padel pistako belar artifiziala aldatu du. Lur berriak hare gutxiago behar du eta horrek eragin zuzena du pilotaren botean, bote hori nabarmen hobetuz. Horrez gain, arrasatearrek egindako eskaerari erantzuna emanez, pista bera itxi egin du, egun euritsuetan ere erabilgarria izan dadin.

 

Ildo beretik, Uarkapeko kristaletan, hain zuzen, bigarren ikastaro gelan eta gimnasioko albo batean, binilozko laminak jarri ditu, kasu honetan egun eguzkitsuetan aipatu bi espazioetan sortzen den beroa apaltzeko.

 

Eta berrikuntza zein inbertsio berriei helduz, datozen asteotan ere hobekuntza lanak egiten jarraituko du Udalak, hain zuzen Iturripen eta Antoñako kantxan. Lehenengo kirol instalazioari dagokionez, abuztuko lehen bi asteetan kiroldegia itxi eta ur-bero sanitarioa berritzeko lanak egingo ditu. Itxialdia ere bertako zoruko marrak pintatzeko aprobetxatuko du.

 

Amaitzeko, Antoñako pistan saskibaloi kanasta gehigarri bat eta babesleak ere jarriko ditu Udalak bertako horman, erabiltzaileak babestu eta haien segurtasuna bermatzeko.

 

Lan horiek guztietara 62.862,60€ bideratu ditu Udalak eta helburu dute herriko kirol espazio zein instalazioak hobetu eta horiek egungo beharretara egokitzea, arrasatearrei kirol zerbitzu zein azpiegitura egokienak eskaintzeko.

EREMU PRIBATUA


Copyright © 2008 - MONDRABERRI
Mondraberri@gmail.com - www.mondraberri.com
Tel: 943 797837 - Arrasate Pasealekua 3-bajo / P.K. 101 - 20.500 - ARRASATE