Esta web utiliza cookies, puedes ver nuestra la política de cookies, aquí
Política de cookies +
Otsaila eztiegia, primadera txirtxilegia

ORIENTACIÓN AL USUARIO

Hemen zaude:
 
KAIXO GAZTE! (EDO EZ HAIN GAZTE)
Beronika Garai, Ezequiel Fernandez 'Marmi', Premin Sanpedro, Amaia Arrieta, Mikel Gangoiti, Aizpea Otxandiano, Itxaso Ruiz de Larrinaga eta Asier Etxeberriaren artikulua.

595.Jarraik40urte.EZKER-ABERTZALEA (id: 755206)


Testua: Beronika Garai, Ezequiel Fernandez 'Marmi', Premin Sanpedro, Amaia Arrieta, Mikel Gangoiti, Aizpea Otxandiano, Itxaso Ruiz de Larrinaga eta Asier Etxeberria /

Irudia: ezker abertzalea / 2018ko irailak 4, asteartea 

 

    Bulkada berrien garaia da. Konbentzimendu osoz diogu. Asko eman digun aro baten amaiera bizi dugu. Euskal Gazteriaren bultzada ezinbestekoa izan den aroa izan da; frankismoaren garaietan herri hau altxatu zutenena, ekinbide propioz gazte antolakuntzan abiatu zirenena; gazte problematika erdigunean jarri eta bizi eredu berrietan sakondu zutenena; zein inposatutako mugez gaindi, antolatu, borrokatu eta bizitzea aukeratu zutenena. Eta, horrela izaten jarraituko du aurrerantzean ere.


    Askatasunaren aldeko bulkada berri eta anitzak gara. Bakoitza beretik, eta denok batera. Horregatik, Jarrairen sorreraren 40. urteurrenaren harira martxan jarri dugun dinamikaren parte izan zaitezen nahi dugu. Gazte Borrokaren parte izan zinen, zaren edo izango zaren heinean, datorren irailaren 16an 11:30ean Leitzako plazan elkartuko gara. Bertan, dinamika honen nondik norakoak elkarbanatu, honi bultzada emateko argazki erraldoia atera eta belaunaldien arteko harremana sustatzeko herri-bazkaria egingo dugu. Goizeko 09:30ean Garibaitik irtengo gara Leitzara bidean, eman autobuserako izena Iratin. Bertan ikusiko garelakoan, jaso besarkada iraultzaile bat!

 

Gora Euskal gazteria!


Gora Euskal Herria askatuta!

 

Beronika Garai, Ezequiel Fernandez 'Marmi', Premin Sanpedro, Amaia Arrieta, Mikel Gangoiti, Aizpea Otxandiano, Itxaso Ruiz de Larrinaga eta Asier Etxeberria.

EREMU PRIBATUA


Copyright © 2008 - MONDRABERRI
Mondraberri@gmail.com - www.mondraberri.com
Tel: 943 797837 - Arrasate Pasealekua 3-bajo / P.K. 101 - 20.500 - ARRASATE