Arrasate, Eskoriatza eta Aretxabaletako neskek

Portadako eta goiko argazkia: Eskoriatza K.E. / Testua: MB / 2012-ko irailak 21, ostirala

Maila guztietako entrenamendu saioak iraila hasieran hasi ziren, eta pasa den asteburua elkarbizitza asteburua izan zuten Espejon.

8 eta 26 urte bitarteko talde guztietako neskak izan ziren bertan, Aretxabaleta, Eskoriatza eta Arrasatekoak; guztira 50 pertsona baino gehiago.

Bertarako zituzten helburu guztiak bete ziren, besteak  beste, elkarbizitza, ondo pasatzea eta taldeko neskak beraien artean ezagutzea. Era guztietako ekintzak egin ziren: kirola, jokoak, antzerkia, abestia,…

Denboraldi honetarako nesken saskibaloi sailaren kirol eskaintza honakoa da:

- Saski eskola: 2001, 2002, 2003 eta 2004 urteetan jaiotakoendako. Entrenamendu orduak:

• Arrasaten: Astearte edo ostegunetan (zehaztuko da) 18:30etik 19:30era
• Gazteluondon.Eskoriatzan: 16:30etik 18:00etara, kiroldegian
• Aretxabaletan: zehazteko dago; printzipioz Eskoriatzara joango dira

- Infantilak Arrasaten: 1999 eta 2000 urte bitartean jaiotakoak (2 talde)

- Kadeteak

- Gazteak

- Seniorrak

Guzti honekin 100 neskek parte hartzea espero dute, eta bide batez, elkarteak neska guztiak animatzen ditu Eskoriatzako saski eskolan izena ematera. Izena eman daiteke:

• Ikasleen eskoletan
• Eskoriatzako kiroldegian
• www.eskoriatzake.com webgunean

Aurtengo denboraldian hainbat ekintza egingo dira, sorpresa ugarirekin, eta hainbat txango Euskal Herrian eta bertatik kanpora ere.

Era berean, bihar (zapatua) Eskoriatzako kiroldegian 12:15ean, ekipazio berriaren aurkezpena ospatuko da.