ORIENTACIÓN AL USUARIO

Aurreko urteetan bezala, Portaloi elkarteak plazako dantza tradizionalen ikastaroak antolatu ditu 2012-2013 ikasturterako ere.  Ikastaro hauen helburuak ondorengoak dira: dantzan ikastea, Euskal Herriko plazetan ohikoak diren dantzak ikastea eta ondo pasatzea.

Ikastaro hauek pertsona helduei zuzenduta daude, hiru mailatan banatuta.  Klaseak astelehenero izango dira, Goikobalu abesbatzaren lokalean -Zerrajera zenaren eraikinean-, ondorengo ordutegiarekin:  1. mailakoak 17:00etatik 18:30etara, 2. mailakoak 18:30ak eta 20:00ak bitartean, eta dantza txokoa delako 20:00etan hasi eta 21:30etan amaituko da.

Aurtengo ikastaroa urriaren 8an hasi, eta ekainera arte luzatuko da.  Guztira 33 saio eskainiko dira, iaz bezala, Patxi Montero irakaslearen gidaritzapean.  Izen-ematea AED elkartean edota Gazte bulegoan eman daiteke, 943771228 eta 943252065 telefonoetan, hurrenez urren.  Posta elektronikoz apuntatzeko aukera ere egon badago, aed@aedelkartea.com edo gaztebulegoa@arrasate-mondragon.net helbideetan.